To ite na lerch o spersa publica o taché it l'eghes pazies y ega da bever - dumanda

Occupazion mé per n struf, risp. per for, de na lerch o spersa publica

Servisc ativ

Tematiches

Categuries

Per chi

Chiche uel tò ite na lerch o spersa publiches o se taché ite tla canalisazion y tla cundota dal'ega da bever dl Chemun, muessa dant damandé y giapé dal Ufize de Chemun cumpetënt la cunzescion per l'ocupazion permanënta o l'autorisazion per l'ocupazion per ntant.

I raions publics ie chëla lueges y chëi grunc che toca pra i bëns dl Chemun, y chëi ie la stredes, la plazes, la uties, i prei, i parcs, i jadins y n.i.. , coche nce la lerch dessot (sot) y sëuravia (sura tiera) y la sperses de proprietà privata, ulache l ie udù dant tla formes legheles la sauridanza dl passaje publich.

Descrizion

Dé ora l'autorisazion o la cunzescion per la ocupazion per ntant o per for de n grunt publich.

Co iel pa da fe

L ie da mandé na dumanda tres l servisc online metù a despusizion sun chësta plata.

Per pudëi se nuzé dl servisc online muessen avëi n SPID, livel 2 (azes al sistem publich per l'identità digitela) o na CIE (cherta d'identità eletronica).

Alternativamënter possen nce se nuzé di formulars PDF che ie da abiné japé de chësta plata.

Cie iel pa da fe

La documentazion eventualmënter de bujën, che ie preududa dal Regulamënt sun la chëuta patrimoniela de cunzescion, autorisazion o espusizion de retlam y sun la chëuta patrimoniela e cunzescion per tò ite grunt ntan i marcei. Chësc regulamënt ie publicà sun la plata internet de chësc Chemun.

Cie giaten pa

N'autorisazion per la ocupazion per ntant de n grunt publich o na cunzescion per la ocupazion permanënta de n grunt publich.

Tëmpes y scadënzes

La dumanda de autorisazion per l'ocupazion per ntant muessa unì fata almanco la juebia dala 12.00 tl Ufize dla Ntredes de Chemun, acioche la posse unì trateda pra la proscima senteda de Chemun.

La dumanda de sëurandé la cunzescion per la ncëria permanënta muessa unì fata almanco n juebia dala 12 da sëira tl Ufize dla Ntredes dl Chemun, acioche la posse unì trateda pra la proscima senteda dl Cunsëi de Chemun.

Tl tëmp de 60 dis (sce la prozedura ne n'ie nia unida architeda o spënta) do che la dumanda ie unida data ju, vëniel dat l'autorisazion o la cunzescion per tò y tres l grunt publich o l vën fat a l savëi che la dumanda ie unida refudeda.

L'autorisazion/la cunzescion possa unì slungeda cun na dumanda aldò de 5 dis dan che la toma. Sce chësc ne vën nia fat, muessa chi che fesc la dumanda, canche l'autorisazion/la cunzescion vën stluta ju, dé ju l grunt publich a si spëises.

Custimënt

2 martli da 16.00 euro (1 martl per la dumanda y 1 martl per l'autorisazion/ la cunzescion, sce l ne n'ie nia liber). I caji ulache n ne muessa nia paië la chëuta de martl ie da udëi diretamënter sun l servisc online che vën metù a despusizion sun chësta plata. L paiamënt ie de ublianza y vën paià cun la martles cumpredes dant tla butëighes autorisedes, dajan dant i numeri de serie aldò tl formuler de dumanda online. La martles urigineles che vën adurvedes muessa unì dejativedes y mantenides.

La cuota dl avëi per cunzescions, autorisazions o mesures de retlam, aldò dl Regulamënt sun la chëuta patrimoniela de cunzescion, autorisazion o espusizion de retlam y sun la chëuta patrimoniela e cunzescion per tò ite grunt ntan i marcei, che ie publichei sun la plata internet de chësc Chemun.