La lies y la assoziazions dl luech che ulëssa se damandé dal'aministrazion cumenela n cuntribut per l ann atuel, muessa dé ju na dumanda al ufize secreteriat de chësc Chemun nchina ai 31 de jené.
Coche udù dant tl regulamënt per la cunzescion de cuntribuc (delibra dl Cunsëi de chemun n. 24 dl 30.07.2024), muessa la dumandes unì firmedes dal reprejentant leghel dla lia o ënt, njuntan i documënc che vën do:
Cuntribuc curënc (atività urdinera):
- relazion sun l'atività dl ann dant
- cont consuntif dl ann dant
- program dl’ativiteies ududes dant tl ann de referimënt
- preventif de spëisa y plan de finanziamënt
- statut y at costitutif (sce mo nia dat ju).
Cuntribuc una tantum (atività y compres straurdinera):
- descrizion y mutivazion dla scumenciadiva / manifestazion o auter
- preventif de spëisa y plan de finanziamënt
- pra na manifestazion, program.
Cuntribuc tl cont capital:
- descrizion y mutivazion dla scumenciadiva
- proiet, sce l se trata de costruzions
- preventif de spëisa, sce l se trata de compres
- plan de finanziamënt.
La lies che ne ie nia scrites ite tl register provinziel dla urganisazions de volontariat muessa njunté la marca da bol da 16,00 euro.
Formuleres
Dumanda de cunzescion de n cuntribut per l'atività urdinera (cuntribuc curënc)
Dumanda de cunzescion de n cuntribut per l'atività straurdinera/compres/cuntribuc tl cont capital
Dumanda de licuidazion dl cuntribut
