La marëndes de scola per l ann 2023/2024 per duta la scoles de Urtijëi vën metù a ji dal Chemun de Urtijëi.
Scola elementera y mesana
- L servisc per la scola elementera y mesana unirà menà te luesc mo da fé ora. I sculeies possa se nuzé de chësc servisc de merdi y de juebia ntan l ann de scola, a condizion che i tol pert sibe danmesdi che domesdi a na lezion o a na atività extrascolastica metuda a ji dala scola nstëssa.
Scoles autes
- L servisc per la scoles autes unirà menà te luesc mo da fé ora. I sculeies possa se nuzé de chësc servisc dal lunesc al venderdi ntan l ann de scola, a condizion che i tol pert sibe danmesdi che domesdi a na lezion o a na atività extrascolastica metuda a ji dala scola nstëssa.
Chiche ulëssa tò pert ala marëndes de scola muessa scrì ora l formular tlo dessot y l dé ite nchin ai 31.03.2023 a si scola, che pona l fajerà avëi al Chemun. La dumandes che ëssa da rué ite dò chësc termin po mé uni tëutes n cunscidrazion, sce l ie mo lerch assé.
La tarifa per l'ann de scola 2023/2024 a cëria di sculeies (genitori) ie de € 4,90 per cëif.
Davia che i posc' a disposizion per la marëndes ie limitei y possa enghe nia curì duta la dumandes, ie stac laurei ora y dat pro criteres de partezipazion. I posc' unirà perchël dai via aldò de chisc criteri.