La violazions al codesc dla streda y ai regulamënc cumenei vën straufedes cun straufonghes aministratives. Chësta straufonghes vën fates al savëi tres verbai de cuntestazion, sce n auto vën lascià ulache n ne daussa nia y chël dal auto ne ie nia iló, pona ti vën mandà n avis de trasgrescion. N possa paië la straufonghes:
- ala man o cun l bancomat tl ufize dla polizai;
- sun l c/c dla posta n. 14173397 „Chemun de Urtijëi - polizai de chemun“ dajan sëura l numer dla targa dl auto y l numer dl verbal o dl avis de trasgrescion;
- tla banca IBAN n. IT 18 L 08056 23100 000300050008, Swift Code RZSBIT21011, dajan sëura l numer dla targa dl auto y l numer dl verbal o dl avis de trasgrescion.
Documënc da presenté: sce nia dumandà, dagun.
Tiërmul: Sce n à lascià l auto ulache n daussova nia y l avis de trasgrescion ie uni metù sun scipa dl auto ajache n ne fova nia iló: 10 dis. Sce l ne vën nia paia tl tiërmul de 10 dis, ti vën ti proscimi 150 dis mandà n verbal de cuntestazion a cësa.
Soma: La soma depënd dala straufonga. Sce la straufonga vën paiëda tl tiërmul de 10 dis ne vën nia ratedes la spëises dla prozedura y de notifica (plù o manco Euro 7,75).
Leges: Codesc dla streda, Regulamënc cumenei
Recurs: N possa fé recurs sce:
- n à nia giatà l verbal de cuntestazion tl tiërmul de 150 dis;
- la targa data sëura ne curespuend nia ala sort de auto scrita su;
- sun l verbal ne ie nia dat sëura che n possa fé recurs;
- sun l verbal ne ie nia scrit sù ciuldi che n ti l à nia debota dit;
- l auto ie uni vendù dan che la trasgrescion ie uni fata.
Tiërmui per fé recurs:
- 60 dis sce la cuntestazion ie uni fata debota;
- 60 dis dala notificazion dl verbal de cuntestazion.
Contra n avis de trasgrescion (zedula ghiela che vën metuda sun scipa dl auto) ne possun nia fé recurs. N possa fé recurs contra n verbal de cuntestazion fat dai polizaies sun streda o notificà dal ufize. Sce l recurs ne vën nia azetà muessun paië l dopl dla soma data sëura tl verbal (articul 204 dl d.lgs. n. 285 di 30.04.1992).
